Vardanyanın həbs müddəti UZADILDI
![Vardanyanın həbs müddəti UZADILDI](https://azlist.az/uploads/news/2024/05/azlist.az_1715850184.jpg)
Qondarma “Dağlıq Qarabağ Respublikasının Dövlət naziri” olmuş erməni milyarder Ruben Vardanyan barəsində Bakıda seçilmiş qətimkan tədbirinin müddəti uzadılıb.
Azlist.az xəbər verir ki, cinayət işi üzrə istintaqın aparıldığı Dövlət Təhlükəsizliyi Xidməti İstintaq Baş İdarəsinin vəsatətinə və ibtidai araşdırmaya prosessual rəhbərliyi həyata keçirən prokurorun təqdimatına Səbail Rayon Məhkəməsində baxılırb.
Qərara əsasən, R.Vardanyanın həbsdə saxlama müddəti daha 5 ay uzadılıb.
Qeyd edək ki, Ermənistan vətəndaşı olan 1968-ci il təvəllüdlü R.Vardanyanın Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə nəzərdə tutulan cinayət əməllərini törətməsinə əsaslı şübhələr müəyyən edilib.