Elbəyi Həsənli

Məncə, bütün Azərbaycan mediası bu məsələni gündəmə daşımalıdır. İnsanlar bilməlidir ki, bizi erməni separatizminə görə ittiham edən ədabaz Fransanın özü hansı gündədir. Və düşünməlidir ki, demokratiyadan dəm vuran Fransa niyə öz daxilində separatizmə qarşı çıxır, Avropada olan separatizmdən qətiyyən danışmır, ancaq Azərbaycan və Türkiyədə separatizmə ikiəlli dəstək verir.

Milli və dövlət maraqlarımız bu informasiyanın mümkün qədər geniş kütlələr arasında yayılmasını tələb edir...

Fransada nə qədər aktiv separatçı hərəkat var? Siyahını təqdim edirəm:

1) Elzasın müstəqillik hərəkatı (fransızca: Mouvement autonomiste alsacien; alzasca: D'Elsässischa Salbschtstandikaitbewegùng; almanca: Elsässische autonome Bewegung) Elzasın daha böyük muxtariyyət və ya tam müstəqilliyi uğrunda mədəni, ideoloji və siyasi regionalist hərəkatdır.

2) Basklar. Fransa Bask ölkəsi və ya dövləti (The French Basque Country, or Northern Basque Country)

3) Bretan— Breton. Hazırda Fransa sərhədləri daxilində qalan, keçmişdə müstəqil krallıq və hersoqluq olan bölgə. 6 Seltik xalqından biri olan Bretanların sayı 5 milyon nəfərə yaxındır. Onlar Qarabağ erməniləri kimi bir ovuc deyillər...

4) Korsika. Napoleon Bonapart-ın vətəni. Bir vaxt o da Korsikanın azadlığı uğrunda Fransaya qarşı əlisilahlı mübarizə aparıb. 350 min nəfərlik əhalisi var.

5) Occitania. Fransanın bu regionunun 16 milyon nəfər əhalisi var. 16 milyon...

6) Fransanın Flander Hərəkatı (French Flanders)

7) Provans (fr. Provence;Provansca:Provença və ya Prouvènço) — cənub-şərqi Fransada bir regiondur. İtaliya ilə qonşu olan bu region Provans-Alp-Kot Dazur əyalətinin inzibati hissəsidir. Aralıq dənizi sahilində yerləşir. Mərkəzi Marsel şəhəridir.

8) Fransada Katalan Hərəkatı (Northern Catalonia, North Catalonia, French Catalonia) Dünyada katalan dilində 9.2 milyon adam danışır. Kataloniya Fransa ilə İspaniya arasında parçalanıb. Nə Fransa, nə də İspaniya katalonlara müstəqil dövlət olmağa imkan verir...

9) Dənizkənarı Alplar — Fransanın cənubi-şərqində yerləşən departament, sıra nömrəsi-6, inzibati mərkəzi isə Nitsa şəhəridir. 1.1 milyon əhalisi var. Fransadan muxtariyyət almaq uğrunda mübarizə aparır.

10) Normandiya (fr. Normandie). Şimali Fransada yerləşir. Əhalisi 3.5 milyon nəfərdir. Fransadan muxtariyyət almaq uğrunda mübarizə aparır.

11) Savoy. Fransanın cənub-şərqində Alp dağlarının ətəyində yerləşən tarixi bölgədir. Bir müddət müstəqil knyazlıq kimi mövcud idi, o, öz çiçəklənmə dövründə Nitsa, Genuya, Cenevrə və Piemont ərazilərini əhatə edirdi.Hazırda 1.3 milyon nəfərə yaxın əhalisi var. Fransadan muxtariyyət almaq uğrunda mübarizə aparır.

12) Occitania . Bu xalq Fransa, İtaliya və İspaniya arasında sıxılıb qalıb.

Bütün bunlar təkcə Fransada olan separatçı hərəkatlardır. Digər Avropa ölkələrində də vəziyyət aşağı-yuxarı eynidir. Bütövlükdə Avropada 260-a yaxın separatçı hərəkat var. Sual olunur: Niyə Fransa həm öz daxilində, həm də Avropada olan heç bir separatçı hərəkatlara dəstək vermir. Ancaq Fransa Azərbaycan və Türkiyədəki separatçı hərəkatları ikiəlli dəstəkliyir? Xeyir ol, məqsəd nədir ki? Separatizmə dəstək demokratiya əlamətidirsə, xub, onda Fransanın daxilində və Avropada olan separatizmə dəstək ver. Verə bilərsən? Əlbəttə ki, yox. Avropa ölkələri Fransanı cırıq-cırıq edər...

Bu xəritə belə adlanır: Bütün separatçı hərəkatlar müstəqillik əldə etsə, Fransadan nə qalar