Baronessa Koks hələ də danışır, Zori Balayan susub
Elbəyi Həsənli
85 yaşlı britaniyalı Baronessa Koks (Caroline Anne Cox, Baroness Cox) ermənilər arasında son dərəcə populyar birisidir. Adam az qala bütün ömrünü ermənilərə həsr edib. Təsadüfi deyil ki, ABŞ erməni lobbisinin əsas lokomotivi olan konqresmen Frenke Pallone bu xanımı əsl erməni millətçisi, Ermənistan və Qarabağ üçün canını verməyə hazır birisi" adlandırıb.
Tomas de Vaal Karolina Koksuun Ermənistan-Azərbaycan münaqişəsindəki iştirakını izah edərkən onu "Qarabağ ermənilərinin ehtiraslı tərəfdarı" adlandırıb.
2018-ci ilin məlumatına görə, bu xanım 80 dəfədən çox Qarabağda olub. Bütün səfərlərdə onu yazıçı Zori Balayan müşayiət edib. Zori Balayan 80-ci illərin əvvəllərində yazdığı "Ocaq" əsərində Qarabağ və Naxçıvanın qədim erməni torpağı olduğunu iddia edib. (O da maraqlıdır ki, Zori Balayanın səsi daha gəlmir. Sanki heç belə birisi bu dünyada yoxdur).
Baronessa Koks həmişə ermənilərə maddi və mənəvi dəstək verib.
Azərbaycanın işğal olunmuş ərazilərinə icazəsiz səfərlərinə görə rəsmi Bakı bu xanımın adını “qara siyahı”ya salıb.
O, anti-islamçı kimi də şöhrət qazanıb. Açıq şəkildə xristian funadmetalizmini təbliğ edir.
Britaniya Lordlar Palatasının üzvü olan bu xanım “Laçın dəhlizi”nin açılması üçün Xarici İşlər Nazirliyinə müraciət edib. Britaniyanı “növbəti erməni genosidi”nin qarşısını almaq üçün hərəkətə keçməyə çağırıb.
Gördüyünüz kimi, bu xanım da əsl erməni kimi hər kəsi “genosid” sözü ilə qorxutmağı sevir.
Baronessa Koks Qarabağ ermənilərinin “soyqırımı” haqqında kitab da yazıb...
