Rusiya Ruben Vardanyanın dili ilə danışır
Qarabağ separatçılarının keçmiş “dövlət naziri”, erməni əsilli rusiyalı milyarder Ruben Vardanyan hesab edir ki, Azərbaycanın Ağdamdan keçən yolun istifadəsinə dair təklifini dəstəkləməklə Avropa İttifaqı Şurasının prezidenti Şarl Mişel qondarma “Artsax”ın blokadasına legitimlik qazandırıb.
“Deməli, vasitəçilər mövcud problemləri həll etməkdənsə, istər-istəməz yeni problemlərin yaranmasına töhfə verə bilərlər”, - Vardanyan çərşənbə axşamı, iyulun 18-də tvitter-də bildirib.
Onun fikrincə, Avropa İttifaqınin Azərbaycanın terminologiyasını qəbul etməsi Əliyevin “Artsax” ermənilərinə qarşı təzyiqlərinə bəraət qazandıra bilər.
R.Vardanyan demokratik dəyərlərlə öyünən Avropa İttifaqını Azərbaycanı dəstəkləməkdə ittiham edir. Erməni milyarder hesab edir ki, bununla da Aİ guya “etnik təmizləmə siyasətini və Artsax ermənilərinin öz ata-baba torpaqlarından zorla köçürülməsini dəstəkləmiş olur”.
Şübhəsiz ki, Rusiya Ruben vardanyanın dili ilə danışır və onun üzərindən Avropa İttifaqını ittiham edir.
Elbəyi Həsənli, Sürix
