Yazar

Baronessa Koks Elçin Əmirbəyova şər atdı...

Baronessa Koks Elçin Əmirbəyova şər atdı...
19Sentyabr 202308:45

Bugünlərdə Böyük Britaniya Parlamentinin Lordlar Palatasının üzvü Baronessa Karolin Koks Qarabağ erməniləri üçün lazım olan humanitar yüklərlə dolu maşınların dayandığı Laçın buraxılış-keçid məntəqəsinin yanında göründü. Oradan ermənilərin xeyrinə bəyanatlar səsləndirdi: “Bu, çox kədərli və eyni zamanda çox təhlükəli yerdir… Mən deyərdim ki, bu, müasir dövrün faciəsidir”.

Təbii ki, 86 yaşlı bu "mübarək" xanımın Qarabağa girişi Azərbaycan tərəfindən yasaqlanıb. Sadəcə bir faktı deyim ki, bu qadın 86 dəfə Qarabağda olub, ermənilərə yardım daşıyıb, onlara siyasi baxımdan da dəstək verib. Qatı xristian fundamentalisti olan Baronessa Koks haqqında jurnalist fəaliyyətimlə bağlı bir məqamı dəqiq xatırlayıram. Erməni əsirliyində olan Rembo ləqəbli soydaşımızdan illər öncə müsahibə götürmüşdüm. O nəql edirdi ki, ermənilər məni həbsxananın qaranlıq bir guşəsinə atmışdı. Bir dəfə saxlandığım hücrənin qapısı açıldı və bədheybət bir it üstümə cumdu. Mən qorxumdan arxadakı divara dirənib qalmışdım. İt məni parçalamaq üçün var gücü ilə mənə sarı dartınırdı. Bu vaxt zənciri dartıb iti geri çəkdilər. Erməni zabitlərin müşayiəti ilə Baronessa Koks qapının qarşısında göründü. Mənə elə nifrətlə baxırdı ki...

Bu, haradasa 22 bundan əvvəlin söhbətidir. Sözümün canı o ki Azərbaycan insanı erməniyanlar arasında ad çıxarmış bu xanımı kifayət qədər yaxşı tanıyır. Bu xanım Türkiyə və Azərbaycanın yağı düşmənləri sırasında öndə gəlir...

Hə, indi bu xanım Laçın tərəfdən hərlənib-fırlanıb Ermənistana dönüb, oradan da Londona qayıdıb. Və inanılmaz bir yalana, şər-böhtan desək daha dəqiq olar, əl atıb. O, Britaniyanın məşhur nəşrlərindən olan “The Guardian” qəzetində “Genocide warning in Nagorno-Karabakh” (Dağlıq Qarabağda soyqırım xəbərdarlığı) adlı məqalə ilə çıxış edib. Düşünün ki, belə bir reputasiyaya malik xanım Azərbaycan haqqında nələr yazıb. Zatən məqalənin adı çox şey deyir. 

Əlbəttə, bunun üstündən keçmək də olardı. Ancaq Baronessa Koks elə bir şər-böhtana əl atıb ki, heç deyiləsi deyil. Adın çəkdiyim məqalənin sonluğunda Baronessa Koks yazır:

“Bu ayın əvvəlində Azərbaycan prezidentinin nümayəndəsi Elçin Əmirbəyov xəbərdarlıq etmişdi ki, Dağlıq Qarabağ liderləri Azərbaycanın tələblərinə tabe olmasa, Dağlıq Qarabağda “soyqırım baş verə bilər”. Biz Böyük Britaniya hökumətindən soyqırımın qarşısını almaq üçün beynəlxalq hüquq çərçivəsində üzərinə düşən məsuliyyəti nə vaxt və necə yerinə yetirəcəyini soruşmalıyıq”.

Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov “Dağlıq Qarabağda “soyqırım baş verə bilər” kimi cəfəng bir fikir səsləndirə bilərdimi? Qətiyyən mümkün olmayan bir iddiadır. Mən şəxsən Elçin Əmirbəyovun ingilis dilində verdiyi müsahibələrə, ermənilərlə debatlarına baxmışam. Adekvat çıxışları ilə yadda qalıb. Yəni ciddi siyasi təcrübəsi və bilgisi olan birisi heç vaxt Azərbaycanı zərbə altında qoya biləcək belə bir ifadə işlətməz. Zatən o, belə bir ifadə işlətsəydi ermənilərlə yanaşı bütün Qərb mediası bu barədə bar-bar bağırardı. 

Hər ehtimala qarşı Baronessanın məqaləsindən həmin hissəni olduğu kimi burada təqdim edirəm: 

“Earlier this month, Elchin Amirbayov, the Azerbaijani president’s representative, warned that “a genocide may happen” in Nagorno‑Karabakh if its leaders fail to submit to Azerbaijan’s demands. We must ask the UK government when and how it will fulfil its responsibility under international law to prevent genocide”/

Düşünürəm ki, hörmətli Elçin Əmirbəyov bu məsələ ilə bağlı “The Guardian” qəzetinə müraciət etməli, qarşı tərəf kimi bu böhtana layiqincə cavab verməlidir. Əminəm ki, belə də olacaq.

Elbəyi Həsənli, Sürix

Müəllifin digər yazıları

İranda yenidən Türk erası BAŞLAYIR

İranda yenidən Türk erası BAŞLAYIR

Britaniyanın "The İndependent" qəzeti Məsud Pezeşkianın İran prezidenti seçilməsi ilə bağlı yazır: "2022-ci ildə Məhsa Əmininin ölümündən sonra İranın millət vəkili Məsud Pezeşkian yazmışdı: "İslam Respublikasında bir qızın hicabına görə həbs edilməsi, sonra isə meyitinin ailəsinə təhvil verilməs

“Biz çox xoşbəxtik ki, atam Məkkədə vəfat edib”

“Biz çox xoşbəxtik ki, atam Məkkədə vəfat edib”

“Valideynlərim 23 min dollar verib Həccə getmişdi”

"СNN" yazır ki, Həcc ziyarəti zamanı ölənlərin sayı 1.300 nəfəri keçib. Səudiyyə Ərəbistanı isə bəyan edib ki, ölənlərin sayı 1.301 nəfərdir.

Əhalisinə görə dünyanın ən böyük müsəlman ölkəsi olan İndoneziyadan (281

Gürcüstan Rusiya və İrana yaxınlaşır: Ermənistan Amerika və Fransadan yapışıb, biz isə...  

Gürcüstan Rusiya və İrana yaxınlaşır: Ermənistan Amerika və Fransadan yapışıb, biz isə...  

Avropa İttifaqına yaxınlığı ilə seçilən “eurasianet.org” saytında gedən “Georgia probing closer ties with Iran” (Gürcüstan İranla sıx əlaqələri ar

Tomas de Vaal valı dəyişmir: “Azərbaycan bir neçə saata Zəngəzuru götürə bilər...”

Tomas de Vaal valı dəyişmir: “Azərbaycan bir neçə saata Zəngəzuru götürə bilər...”

Karneqi Beynəlxalq Sülh Fondunda təhlilçi, Qafqaz üzrə mütəxəssis kimi tanınan Tomas de Vaal “foreignaffairs.com” saytında əhatəli bir məqalə ilə çıxış edib. "Putin’s Hidden Game in the South Caucasus. Azerbaijan’s Rise, Georgia’s Drift, and Russia’s Quest for a Gateway to Iran and the Mi

Bəşər Əsəd İranı kürəyindən vurdu

Bəşər Əsəd İranı kürəyindən vurdu

Tanınmış politoloq Elxan Şahinoğlu yazır ki, Çinin İrandakı səfiri Xarici İşlər Nazirliyinə çağırılıb. Pekinə etiraz notası verilib. İki ölkə arasında 400 milyard dollarlıq uzun müddətli yatırım sazişi var. Buna baxmayaraq, Pekin Tehranın regional siyasətinə önəm vermir. Belə ki, “Çi