Azərbaycanda 6-cı bələdiyyə seçkilərinin keçiriləcəyi tarix açıqlanıb.

Azlist.az-ın xəbərinə görə, bu barədə Mərkəzi Seçki Komissiyasının (MSK) 27 noyabr tarixli iclasında məlumat verilib.

Bələdiyyə seçkiləri 2025-ci il yanvarın 29-da keçiriləcək.

Seçkilərin 118 seçki dairəsi üzrə 685 bələdiyyəni əhatə edəcəyi bəyan olunub.

Bələdiyyə üzvlüyünə namizədlərin irəli sürülməsi noyabrın 28-dən başlayır. Qeydiyyat üçün zəruri seçki sənədlərinin dairə seçki komissiyasına təqdim edilməsi dekabrın 30-u axşam saat 6-da bitir.

Seçkiqabağı təşviqat 2025-ci il yanvarın 6-dan yanvarın 28-i səhər saat 8-dək aparılacaq.

Əvvəlki bələdiyyə seçkiləri 1999, 2004, 2009, 2014 və 2019-cu illərin dekabr ayına düşüb. Sonuncu bələddiyə seçkiləri 2019-cu il dekabrın 23-də baş tutub.

Bələdiyyələrin səlahiyyət müddəti 5 ildir.