Məşhur futbol ulduzları Lionel Messi, Luis Suares, Serxio Buskets və Xordi Alba Bakıya gəliblər. Azlist.az xəbər verir ki, ulduzlar Bakı Kristal Zalında fanatlarla görüşüblər.

Görüşdən əvvəl səhnədə “Natiq” ritm qrupunun çıxışı olub. Daha sonra dünyaşöhrətli bəstəkar və müğənni Villi Uilyam konsert proqramını təqdim edib.

Dünya çempionu, səkkiz dəfə “Qızıl top” mükafatına layiq görülən Lionel Messinin karyerasını əks etdirən filmin nümayişindən sonra isə o, digər ulduz futbolçular Luis Suares, Serxio Buskets və Xordi Alba ilə səhnəyə çıxıb.

Futbol ulduzları gənc həmkarları və sağlamlıq imkanları məhdud uşaqlarla xatirə şəkli çəkdiriblər.

Argentina millisinin və ABŞ-ın "İnter Mayami" klubunun futbolçusu Lionel Messi tədbirdə deyib ki, Azərbaycan mədəniyyəti və insanları ilə tanış olmağa görə çox xoşbəxtdir:

“Bu cür isti qarşılanmaya görə Azərbaycana təşəkkür edirəm”.