“Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsinin Qazaxıstanın Aktau şəhəri yaxınlığında qəzaya uğraması nəticəsində həlak olan Azərbaycan vətəndaşlarının siyahısı açıqlanıb.

Modern.az xəbər verir ki, bu barədə Səhiyyə Nazirliyi məlumat yayıb.

Həlak olanların bəzilərinin şəxsiyyətinin müəyyənləşdirilməsi istiqamətində işlər davam edir. 

Dekabrın 25-də baş vermiş qəza zamanı təyyarədəki 67 nəfərdən 38-i həlak olub, 29-u yaralanaraq sağ qalıb.

Təyyarədə 37 Azərbaycan vətəndaşı olub, onlardan 25-i həyatını itirib.