Futbol üzrə Fransa və Argentina millisi Qətərdə keçirilən dünya çempionatının finalına yüksəlib.

Azlist.az xəbər verir ki, Fransa komandası yarımfinal mərhələsində Mərakeş yığması ilə qarşılaşıb. Rəqibini 2:0 hesabı ilə məğlub edən Fransa millisi tarixində ardıcıl ikinci dəfə dünya çempionatının finalına yüksəlib.

Bundan əvvəl Xorvatiya yığmasını 3:0 hesabı ilə məğlub edən Argentina millisi də finala çıxmışdı.

Dekabrın 18-də “Lusail” stadionunda keçiriləcək final oyununda Fransa millisi Argentina yığması ilə qarşılaşacaq. Oyunun start fiti saat 19:00-da səsləndiriləcək.

Üçüncü yer uğrunda görüşdə Mərakeş Xorvatiya yığması ilə qarşılaşacaq. Matç dekabrın 17-də Dohadakı “Xəlifə” stadionunda oynanılacaq. Qarşılaşma Bakı vaxtı ilə saat 19:00-da start götürəcək.