Türkiyədə mədən qəzası: 41 ölüm
Türkiyənin Amasra rayonundakı kömür mədənində 41 nəfərin ölümü ilə nəticələnən partlayış baş verib.
Azlist.az xəbər verir ki, cümə günü baş verən partlayış vaxtı mədəndə 110 nəfər olub.
Türkiyənin daxili işlər naziri Bartındakı şaxtadan 58 nəfərin xilas edildiyini, 11 yaralının müalicə aldığını deyib.
Şənbə günü mədənə baş çəkən Prezident Rəcəb Tayyip Ərdoğan ölənlərin ailələri və yaxınlarına başsağlığı verib. O, həmçinin partlayışa görə məsuliyyət daşıyanların müəyyən olunacağını bildirib.
Partlayışın təxminən 300 metr dərinlikdə baş verdiyi güman edilir.
Daxili işlər naziri Süleyman Soylu bildirib ki, 300-350 dərinliyindəki "riskli" zonada 49 nəfər işləyirmiş.
İlkin əlamətlərə görə, partlayışa səbəb yerin təkində toplanan metan qazının alovlanması ola bilər.
_955.jpg)